ក្រុមហ៊ុន លី ហួរ ផេ ប៉្រូ ភីអិលស៊ី ជាក្រុមហ៊ុនមហាជនទទួលខុសត្រូវមានកម្រិតមានដើមទុនចុះបញ្ជីចំនួន៨លានដុល្លារអាមេរិក ទទួលបានអាជ្ញាបណ្ណ័ពីធនាគារជាតិ នៃ កម្ពុជា នៅថ្ងៃទី២០ ខែមករា ឆ្នាំ២០១៦ ដើម្បីធ្វើប្រតិបត្តិការណ៍ជាអ្នកដំណើរការតតិយភាគីដែលត្រូវបានប្រគល់សិទ្ធដោយធនាគារពាណិជ្ជក្រៅប្រទេសនៃកម្ពុជា។ នៅថ្ងៃទី២៧ ខែមិនា ឆ្នាំ២០១៨ ក្រុមហ៊ុនក៏ទទួលបានអាជ្ញាប័ណ្ណសេវាទូទាត់សងប្រាក់ថ្មីជំនួសអាជ្ញាប័ណ្ណប្រតិបត្តិការអ្នកដំណើរការតតិយភាគីដែលមានស្រាប់ស្របតាមបទប្បញ្ញត្តិរបស់ធនាគារជាតិ នៃ កម្ពុជា។ បច្ចុប្បន្នក្រុមហ៊ុន លី ហួរ ផេប៉្រូ ភីអិលស៊ី ជាក្រុមហ៊ុនផ្តល់សេវាទូទាត់សងប្រាក់មានសុវត្ថិភាព និងទំនុកចិត្តនៅកម្ពុជា ដែលមានភ្នាក់ងារប្រតិបត្តិការផ្តល់សេវាជូនអតិថិជនទូទាំងប្រទេស។ ក្រុមហ៊ុនយើងនឹងសហការជាមួយធនាគារ ឬស្ថាប័នផ្សេងៗនៅក្នុងតំបន់អាស៊ីអាគ្នេយ៏ដើម្បីរួមគ្នាផ្តល់សេវាទូទាត់ប្រាក់ឆ្លងប្រទេស។